Des Goidane Kaiwal
Gedicht vom Heinrich Heine

Doppefletn, Hearna, Geign
Spuin etz af zan Getznreign,
Und es danzn Jakls Dechta
Um des Goidne Koib herum -
Brum - brum - brum -
Pauknschlege und Gelechta!

Hochgeschiazt bis zu de Lendn
Fossn si an dena Hendn,
Diandln vuanehmsta Geschlechta
Kroasn wia a Wirbewind
Um des Rind -
Pauknschlege und Gelechta!

Aaron sejm wead fuat glei zogn
Vo am Danz in Waunsinnswogn,
Und ea sejm, da Glaubmswechta,
Danzt im Hohenpriestarock,
Wiar a Bock -
Pauknschlege und Gelechta!

 

ins boarische iwasetzt vom
WATZMO KROAS

Creative Commons Attribution/Share-Alike